好少睇法國戲, 不過印像中睇過的法國電影都係比較熱情,故事就比較平淡但感動人心的
上次覺得好睇的係閃亮人生, 我估今次亦係食住條水用閃亮的歌聲哩個名
故事係講女主角係一個全家失聰的農莊家庭中長大, 佢係唯一一個冇失聰的, 所以成為咗家人與外界溝通的橋樑
女主角之後俾老師發掘咗歌唱的天份, 故事就講佢係去PARIS 與否的決擇
劇情簡單, 但好有趣, 特別係佢可愛的父母
佢哋一D都冇覺得自己失聰係一個好大的缺憾, 而且佢可愛的爸爸仲好有政策理想同熱情, 決定要參選市長
女主角對父母不能明白點解佢會去唱歌一事好唔開心
其實又係, 一個失聰的人係好難明白唱歌的樂趣, 而且佢哋又欣賞唔到, 所以開頭佢哋唔理解點解女兒要去唱歌放棄家人(佢哋一家人平時都鐘意一齊做嘢, 好WARM 的)
女主角唱歌好好聽, 有機會我想買隻原聲大碟聽
入面佢同男角的合唱, 同理最後的獨唱真係好感動
佢最後深情演唱的Je vole (I fly), 因為佢做埋手語, 所以連失聰的家人都能感受的”歌唱”, 亦都明白到女兒希望飛翔的感覺!
18歲的女主角露安伊瑪拉(Louane Emera)是因參賽「法國好聲音」成名出碟, 佢唱歌真係好好聽, 係好有爆發力, 令人一聽感動的歌聲!