今朝未夠六點就起身，不過都係晏咗少少，睇唔到日出，不過景色一樣好靚，即刻執少少嘢就去上面浸露天溫泉！ 諗唔到已有五六個人係上面，尋晚落去二樓浸都冇人，原來日本人都係鐘意朝早浸溫泉！ 因為book 咗七點半先食早餐，所以可以hea 住浸，之後返房執定嘢換好衫，諗住等多一陣，好開心咁7:15佢就打黎話準備好可以落去食得la!

早餐的地方一樣係尋晚的個室，非常欣賞哩個安排，好有私穩！ 早餐一樣非常豐富，今朝冇溫泉旦，但有溫泉豆腐，一樣咁正！而家仲有黑毛豬的火腿，但就冇平常溫泉飯店有的燒魚。但overall 都好飽，好好味！ 

早餐後其實地下尋日welcome drink 嗰度有free coffee 飲，不過我唔太好咖啡，就冇特別去la! 返房執多一陣嘢就落去checkout, 俾postcard 佢幫手寄，再出去影吓海景等8:30 的taxi 接yhe去jr 駅等坐8:45 的機場巴士去機場。

機場巴士大約1:35m車程，其實真接由指宿走幾方便，我去到先10點幾，可以早d check,in 同埋可以行吓機場做最後沖刺！ International 嗰邊都有少少嘢賣 但唔多，反而domestic 嗰邊有好多間鋪。大家可以行返去domestic 嗰邊買嘢同食飯。因為我班hk express 成1點鐘， 我最後食埋lunch (終於食到黑毛炸豬排飯）先上機。

其實鹿兒島機程只有三小時，的確好方便，只可惜回程因為香港落大兩遲咗起飛，但最後都只係delay 咗半小時左右，都ok la!

今次旅程雖然好短吓，但覺得鹿兒島係一個幾適合旅行的地方，而且又有溫泉又有美食，如果多一日gi埋霧島及shopping 埋應該更加perfect!