我平時用開HKEXPRESS 都有買20KG 行李的, 當然感覺係好似唔太抵, 因為機票太平, 所以好似俾多成4百幾蚊買行李相對比起平機票感覺上唔多抵~ 但去旅行如果成日要就住就住咁又好煩, 仲要係一個人嗰陣, 如果真係OVERALL 咗HAND CARRY 的7 KG, 冇個朋友幫你實在太煩, 所以我通常都用會買行李重量的~

飛機2點先起飛, 大約11點幾去到機場, CHECK IN 揀咗WINDOW SEAT 後, 就第一次真係行吓個T2~ 發現黎咗咁多次都冇咩行過, 而且機場有IMAX, 仲要幾抵吓, 搵次可以又係搭下午機早D 入黎睇場戲都好~

之後去咗PP LOUNGE 坐下, 坐得HK EXPRESS, 只可以去食魚旦河了~ ^^ 不過BUDGET AIRLINE 配LOUNGE 的確好掂, 食飽飽先上機嘛~

去鹿兒島 只係大約三小時機, 比東京快, 加埋時差一小時, 大約6點幾就去到~

一落機去CHECK OUT, 對鹿兒島的第一印象幾好~ 第一次見到日本的城市會分配人手去CHECK IN, 一D普通STAFF 先做拍照同打手指鏌的簡單工作, 之後入境人員就照樣做返入境工作, 好似幾FLEXIBLE WOR, 好似香港咁靈活~ ^^

出去機場搭巴士直接去中央駅, 全車都係香港人, 大家唔係去中央站就係去天文館, 相信9成以上都係住哩兩個地方, 車程大約40分鐘~

出去到7點幾, 中央駅的落車地方係東口的西鐵SOLARIA HOTEL附近, 如果大家BUDGET 冇咁緊, 哩間感覺勁方便~ 因為當日落雨, 好彩有地下通道由東口的繞返去西口, 唔係就有D狼狽~ 不過最後都OK, 唔開傘都OK, 因為我住的西口APA 都只係離西口出口大約30秒的路程, 一樣好方便~

(應該係毫雨新幹線有D誤班, 所以好多人係度聚集等車)

CHECK IN 放低行李後, 當然去食嘢LA~ 車站是連住AMU PLAZA 的, 入面都有好多食店同埋買嘢的地方, 因為SHOPPING MALL 大約九點就閉, 之前行過黎時見到心郁郁想食的黑毛豬涮涮鍋, 位於西口的壽庵黒豚料理大約十點先閉, 所以決定先行吓商場先~ 不過因為冇咩時間, 都冇行買衫的地方, 只係行咗一陣無印同埋SUPER MARKET, 買咗士多啤梨同一D帶返香港的食品就去壽庵了~

因為實在太肚餓的關係, 成日只係在LOUNGE 食過魚旦河~ >V< 所以去到壽庵就叫咗一個FULL SET的黑豬肉＋六種鹽涮涮鍋, 除咗涮涮鍋外, 仲有前菜, 刺身, 角煮黑毛豬等等, 最後仲有甜品, 其實真係勁飽, 不過又真係好好味~ 第一日黎到當然要先奬勵下自己LA, 因為聽日行程應該好緊密的~ ^^

 

 

 

食完返HOTEL 雖然一樣大雨, 但真方便因為好近, 真係開心自己選咗一間咁方便的地點~ ^^ 返到HOTEL 睇TV 原來今日毫雨, 其實夜D 黎都OK, 唔係咁大雨一早黎到都冇嘢行, HK EXPRESS 算你LA~ ^^

• Prev