kusatsu DAY 2
草津溫泉是日本三大名泉(另兩個是有馬溫泉和下呂溫泉)之一,江戶時代在溫泉排名中也
是第一名,自古以來就是代表日本的名泉之一。
據說大約1300年前開始利用,受到了源賴朝、小林一茶等很多名人的喜愛。擁有充沛的泉水量和自然湧出量,泉水溫度屬於高溫。
我們的第一個目的地,便是去熱之館睇湯もみ的表演~
由於草津的溫泉湧出時溫度高達94℃,溫度太高,無法立刻浸泡,便發明了「ゆもみ」(揉湯)讓水溫自然降溫的方法~
利用中央的溫泉水槽,配合著身著正式服裝的女性們所唱的草津節,用長度約2公尺的長板很有韻律地攪拌溫泉源水, 令溫泉水自然降溫~
熱之湯除咗揉湯秀和舞蹈秀外,仲有兩節時間俾遊客親身落場參加揉湯的活動!我都有落去參加,哈!幾好玩!不過塊木板幾重土吓!仲有張參加證明書俾我添!
熱之館出面便是草津6個源泉中最為有名的湯畑,安裝有把湧出的源泉水接入木桶中,之後就會送去每個溫泉!湯畑一年四季也是熱氣濛濛,非常有氣紛,而且襯著旁邊古舊的溫泉街商店(連七十一也變了古樸的棕色,這便是日本把景點搞得成功的地方~)非常有特色!
之後我們便沿著去這些溫泉商店,向另一個目的地-西之河原公園出發!
沿路仲食咗好多嘢添~~~
西之河原公園是一個到處都有泉水湧出的公園,泉水匯成小河。
湧出的泉水流到凹凸不平的熔岩岩石堆里,形成了各種各樣的泉水池,風景十分奇特有趣~
見到有些小朋友在旁邊玩,唔知d水熱唔熱呢?(最後發現係要睇時間,黎嗰陣d水係溫同冇煙的,但走嗰陣d水就開以滾啦!我估應該同地熱有關掛!)
我 哋沿著小徑行咗一陣, 中間仲去咗一個露天溫泉! 我雖然鐘意浸溫泉, 但哩個溫泉的感覺實在太PUBLIC LA!! 我哋行去另一條山路時竟然可以係高處見到男士那一邊的溫泉! OMG!!
雖然見得唔太清楚, 但はだかんぼ WOR~~ 真激! (好彩女士嗰邊見唔到啫~)
行完西之河原公園, 當然要去醫醫肚LA~ 雖然只係去咗食鳥冬, 但我食咗一個好特別的梅鳥
冬~ 酸酸哋又幾正WOR~~~
最後係臨走時, 行埋上白根神社參觀, 據說是祭祀著發現草津溫泉的日本武尊的神社~ (係咪就冇人知LA~~) ^^
雖然只係一間小小的神社, 但黎得草津, 就去睇吓都好~~~
臨返去搭巴士時, 再去多一次湯畑的正面影相(之前我哋淨係睇到上面的方向), 之後就好滿足哋返東京LU~~~