Shikoku Day 6
雖然旅行一樣好攰好多嘢做, 但卻好開心, 因為可以去唔同的地方, 做唔同的事
高松最出名係うどん , 仲有一個好靚的栗林公園
黎四國之前有朋友介紹一定要黎栗林公園
本黎今日排咗去金刀比羅宮, 但因為車程都要成45分鐘以上, 我怕太趕, 所以決定下次有機會黎高松時先再去哩個出名的神宮LA~
栗 林公園是日本四國地方最著名的庭院，號稱一步一景，分為南、北兩個庭園，南庭為迴遊式庭園，北庭是近代的準洋式庭院。總面積約75公頃，是全日本被指定為 特別名 勝的庭園之中最大。栗林公園以翠綠的紫雲山為背景，由6個水池、13座假山以及10多個亭閣巧妙的佈局而成，處處景緻皆不同，可與三大名園媲美。而且園中 最珍貴亦是栗林公園的特徵便是那些松樹，有鶴龜松、箱松、屏風松等1,400多株松樹。
行到一半，我哋仲去咗掬月亭，介紹中就話係籓政時代籓主招待貴賓賞景品茗的茶屋，我哋係入面食咗抹茶與栗子點心等等，坐係哩度喝抹茶賞景，感覺特別RELAX!
栗林公園外面仲有賣手信的栗林庵, 都係一個買手信的好地方~~ 所以大家唔愁冇時間買四國手信返香港!
下午離開高松去關西, 出發前點都要再食一次うどん吧! 今次揀咗有庭園特式的うどん本陣 山田家
山田家有三百多座位, 不過都仲有人在外排隊, 所以應該好出名
同尋日的川福比, 哩度裝修精緻好多, 有一個好靚的日式庭園, うどん亦都好好味, 不過我比較喜歡川福本店那一份清香
今次試咗涷うどん, 一樣好彈牙, 好爽口!
不過我相信係高松, 大部份うどん都係好味道!
下午回關西機場, 本黎大約三個多小時的行程, 突然因為塞車變咗四個幾鐘
大家望住個GPS 都大吃一驚
而且最後交車時係機場轉咗幾個圈都唔知應該轉去邊, 真係個心都離一離
不過好彩大家預早咗時間出發, 最後七點左右已到機場, 我哋8:40機, 仲有時間買少少嘢食同手信
今次行程全程都係自駕, 四國的風景的確好靚
不過我哋得六日, 仲要繞咗四國行一圈, 所以真係有D趕
日子上如果預多一日, 而進出機場可以揀高松而唔係關西, 應該時間上會充裕好多
七月開始高松有HKE 的直航機, 應該第時行程安排會通暢好多~
下次再有時間淨玩高松加瀨戶內海玩~~ 我好鍾睇嗰D島仔的藝術品GA~~