Shikoku Day 5

茶玻瑠的溫泉在最頂嗰層, 雖然細細哋, 但都幾悠閒舒適!

 
道後溫泉的背面~

之後就落去食早餐~ 早餐是BUFFET, 款式都好多吓, 仲可以有烏冬食~

 
 

而食嘢最特別的地方係餐廳同蜷川実花做咗個CROSSOVER, 入面放咗幾張大大的相片

顏色豔麗的花朵真係令大家食嘢都開心D~~

 
 
 

見到有女仔著咗蜷川実花設計限定版的浴衣, 好靚呀~ 可惜冇得買.....

(參考圖片)

食飽飽後, 大家又去行多一次溫泉街, 因為尋晚都買唔哂嘢~

買咗一D 手信同再行多一次宮崎俊店舖買毛巾 (其實都唔駛買, 下午都去今治毛巾MUSEUM), 仲去咗寄明信片~

 
 
(早上的道後溫泉)
 
 
 

不過今朝見到部少爺列車已經開走咗,

行多一圈溫泉街後,就出發去我哋今日第一個景點(唔係, 已經係第二個了~ >V<), 松山城

松山城、道後溫泉、少爺列車就是代表松山市的三個城市象徵, 當然要睇哂三樣嘢先叫黎到松山LA~

松山城處於海拔132公尺的勝山山頂, 在日本全國僅存12座的現存天守之中, 它是擁有位置最高海拔的城堡~ 松山城由築城名人加藤嘉明於1602年開始築城,歷經25年歲月於1627年完成, 除此以外, 它亦日本國家級重要文化遺產,是著名歷史古蹟景點~

 
 
 

松山城可以坐兩種交通工具上車 (當然你可以行路上山), 分別係單人空中纜車及普通的空中纜車~~ 單人嗰款猶如一個椅子吊在鋼索上的纜車,只能座1個人。椅子兩側有扶把可以抓但是前方並沒有桿子等安全措施,怕危險的人可以選擇空中纜車~

 
 
 
 
 
 
 

松山城雖然唔係大, 但入面都幾多嘢睇, 而且大天守1樓仲有日本武士盔甲的免費試穿區, 我就拎咗套紅的黎試穿玩吓~

 
 
 

城外仲有蜜柑雪糕食, 酸酸甜甜幾好味, 又解渴~

 
 

 

(城中仲見到日本人黎拍日式婚照, 好靚呀~~) 不過應該好熱!!

下午去食五色素麵, 係一間超過三百五十年的老店-五志喜

據 說五志喜不是一開始就製作五色麵的,從1635年開業時,製作的還是一般原色的素麵。直 到了1722年,第八代傳人的女兒有一次去神社參拜,發現不知從哪裡隨風而來的五色細線纏繞在她的木屜上,那色線交織成的美麗畫面深深烙印在她腦海中。回 去之後和父親提議:「我們何不來製作看看呢?」彷彿得到了神明的啟示,第八代傳人開始嘗試用各種方法製作素麵,將素麵染上了美麗的顏色。白色、紅色、黃 色、綠色、和茶色,就如同女兒那天在神社裡看見的美麗的五色彩線。

 
 
 

白色,是素麵原來的顏色。紅色,是梅子。綠色,是抹茶。黃色,是雞蛋。茶色,是蕎麥~

價錢唔價, 而且好滑好好味, 我哋有叫SET 同埋單品, SET 的配菜亦好美味, 個SUSHI 飯酸酸的亦好醒胃

食飽飽後, 出發去下午的景點, 今治毛巾博物館~

 

今治原來佔咗日本的總毛巾生產量成60% 以上, 唔怪得要整一間咁大咁靚的MUSEUM 俾人參觀

MUSEUM 有幾層, 有幾個區分, 有MUSEUM 的部份 (入面亦分整毛巾的介紹及用毛巾整好多唔同的ART WORK出黎) 與及賣店的部份(亦分開手信及毛巾)

 
 

全個MUSEUM 設計得非常可愛, 出面仲有一個歐式公園同埋有姆明MUSUEM

 
 
 
 

日本人真係好勁, 諗唔到簡簡單單的毛巾都可以咁可愛, 而且毛巾可以成為一幅幅動人的畫作跟一些裝置藝術~

 
 

今治有一個咁靚的MUSEUM, 唔怪得見到日本人都要黎行吓買吓嘢LA

姆明同毛巾MUSEUM 的部份已好正, 諗唔到OUTLET 賣店的部份仲正

哩度的毛巾有成30-50%的DISCOUNT, 最正最正係有一包包只售3000YEN 的福袋式的毛巾包包

 

入面大大小小成十條毛巾以上, 真係抵到唔信! 真係買到樂而忘返~

晚上去到高知, 去咗出名的川福本店食烏冬

我本人本身就好鍾意食烏冬, 而四國的讚歧烏冬又真係特別好食

除咗彈牙爽口外, 仲有一種烏冬的清香味, 真係令人回味無窮~

聽日要食多一餐烏冬先OK~~~ ^^