Shikoku Day 4

Print

今日會預咗揸好耐車, 所以D 時間要KEEP 得好D, 唔好浪費太多時間~ (今日會由高知去道後,會繞了四國下方的一圈)

(離開我哋住的酒店LA)

本黎跟住我朋友的行程, 今日的早餐會去黑潮工房食燒鰹魚, 但諗起由高知酒店去黑潮工房都要45-50分鐘, 所以都揀咗有早餐食的酒店, 等食少少嘢後之後再去黑潮工房食LATE BREAKFAST~ ^^

 
黑潮工房附近小山坡的觀景點, 小山坡都有少少難開, 著波鞋好D~
 

高 知的鰹魚 的消耗量是日本全國之冠, 所以被當地人譽為『鰹魚聖地』 而高知人食鰹魚的食法都好特別, 他們最愛的吃法就是在去骨的鰹魚灑上海鹽,然後放到稻草上猛火燒至表皮微焦,進食時配上蔥、蒜片及薑蓉,再點上柚子醋加醬油做成的醬汁。咁樣厚切的魚肉入 口時肉汁立刻爆溢出來, 而且有淡淡的稻草香。

好大火吓~~~
 

黑潮工房就係可以俾大家試吓體驗自己燒鰹魚的地方~ 佢有份開兩個COURSE, 一個係簡單的只需要調味同燒, 另一個2個HOURS 以上的就會由全條鰹魚教你點切, 再燒埋, 因為我哋時間唔多, 只係揀咗簡單的, 但體驗過後都覺得好特別好開心!

 

燒的時間好短, 大約5分鐘, 但係由稻草生的火其實好大, 都好熱吓! 而且夾住鰹魚的鐵架亦都好重, 所以燒完都流哂汗~

當然辛苦都有收穫的, 自己燒出黎的鰹魚真係特別好食~ 我哋三個雖然食完早餐但都食到唔停口~~

 

(有日本女仔黎學中級COURSE的切魚兩小時班)


而且有一位朋友今日生日, 佢話生日有得自己燒鰹魚食感覺好特別, 哩個節目好開心

食完哩個美味的LATE BREAKFAST後, 就繼續出發去今日的第二個目的地, 四萬十

(今日天氣好好, 途中的黑潮海岸)

四萬十市最出名的應該就係四萬十川

四萬十川全長196km, 是四國最長的大河~

其實未起四國之後, 聽都未聽過四萬十哩個名, 上網SEARCH 到話佢係"最後的清流,  風景非常幽美, 而且大量在下遊從上流留下的沉降橋現在也是居民的生活道路,與此同時是四萬十川的風景線

除此以外, 亦見到有人去唔同景點, 就因為有一套劇集叫遲開的向日葵亦都係四萬十川取景,所以要去朝聖,  不過因為我未睇過, 所以冇咩共鳴!

但都知道係一個風景好清幽的好地方!

因為時間有限, 四萬十都係打算去沈下橋以及水車屋, 之後再去食野生鰻魚丼

諗唔到旅遊書上沈下橋的MAP CODE 及電話有D唔岩, 繞咗幾個圈都搵唔到, 最後上咗區役所入去問職員條橋係邊~ ^^

雖然區役所主要唔係咁用, 但都有個門口的職員有地圖, 可能都有好多人問佢哋路~

原來唔難搵, 不過比想像中要遠, 而且條路好窄吓

提議大家唔好過條紅色橋, 右邊的路比較寛, 左邊的就較為窄難行D

 
(四萬十川)

潛水橋,又稱漫水橋, 是一種穿越河川的橋梁形式,多用於經常水位與洪水來臨時的高水位落差較大,且無通航需求的河川上。在洪水時,允許河川漫過橋面,也因此在洪水期間橋梁將無 法使用。此類橋梁通常較為低矮,橋面寬平,護欄細小,甚至沒有護欄,建築成本較低;當河水水位上漲時,可減少洪水及夾帶泥沙的衝擊,也可減少橋梁損壞的機 會。

 
 

四萬十川 流域內架設了 22 座沈下橋, 我哋只係遊覽了一兩座, 當我哋架七人車駛過哩條橋時, 的確有少少驚, 不過我朋友的架駛技術非常好, 所以應該唔駛太擔心~

唔知係咪太好陽光, 突然晴朗天氣之下落吓大雨黎, 不過落住雨睇風景都幾有FEEL~ 我相信電影或者刻集黎搵哩度的風景應該會好靚

(小心地過橋LA)

 

下一個站係水車屋, 開頭以為冇咩特別, 去到發現真係好靚~ 因為岩岩係綉球花盛開的日子, 燦爛的綉球花加上水車同埋一大片青翠的山嶺, 真係好靚~ 本黎想早D 走, 但都引唔住影咗好耐相~

 
 
 
 
 
 
 
 
 
四萬十最後十站就係去食野生鰻魚丼, 感覺上咬口比養殖的鰻魚爽口, 但就冇咁肥美, 但都幾有魚味~ 我個人覺得個汁SALTY 咗少少, 但OVERALL 都唔錯~
 
 
 

去道後的車程真係幾遠, 不過因為行公路, 唔係山路, 所以其實幾好行, 時間長D 都唔會辛苦~

中途大家仲停咗間便利店買雪糕食~~ 嘻嘻~~ 當然要試吓期間限定的HAAGEN DAZS,不過今次搵唔到, 但搵到新味道,  都好味道!

 
 

道後溫泉去到已經五六點左右, 本黎諗住去買生果的, 點知一落去就關了門, 只好略略行一行就去食飯

 
 
 
 
 

道 後溫泉已經有3000多年的歷史, 為日本三古湯之一~ 由於夏目漱石的小說「少爺」的關係, 令到此地成為愛媛縣知名的觀光景點!  此地最早的地名為「にきたつ」,意思為具有溫泉的港口,在萬葉集中收錄的日本7世紀至8世紀期間和歌已有提到此地,週邊地區亦被稱為溫泉郡。

平時溫泉地方都係比較遠離市區的, 但道後溫泉離松山市非常近, 感覺就係星期五放工後都可以拎住返一晚黎過HAPPY WEEKEND 咁~ 日本真係一個好地方~

我哋住茶玻瑠 (近日有· 蜷川実花黎CROSS OVER, 所以有佢哋D作品係酒店度), 地理位置唔錯, 近道後溫泉本館, 而且價錢合理~ 晚餐其實都唔錯, 不過上菜慢咗D, 而且D 侍應因為要每一道道菜分別咁吓令到佢哋好辛苦~ 可能要執執個管理先得~~

 
 
 
 
牛排係和牛, 肉質非常好, 唯一不足係唔夠熱.....
 
個飯同個NODDLE 都好有水準, 可惜已經太飽, 食唔哂~~
 
 
 

食 到飽飽後, 再出去行多一次溫泉商店街~ 買咗少少嘢, 同埋睇咗道後最出名的道後溫泉本館, 道後溫泉本館為3層樓的木造建築,至今仍是日本國家指定的重要文化遺產,1894年所建的公共溫泉浴場,在其振鷺閣的屋頂上,便有伸展著雙翼的白鷺,柵欄 上及暖簾也可看到白鷺的造型與圖案. 而道後溫泉本館內設有1899年建造的皇室專用的湯殿「又新殿」及「神之湯」、「靈之湯」等湯池~ 而最吸引人的係因為佢係千與千尋中油屋的原型, 近睇真係好靚~ 不過因為我哋酒店已有溫泉, 大家就冇入去浸了~~

 
 
 
(正點時間會有歌同公仔郁的鐘樓, 大家有時間一定要黎睇吓~~)

 
少爺列車~~~
 
 
 
大家行溫泉商店街好似買唔夠喉咁, 打算聽朝再黎買過~~~ ^^