Osaka 2016 Day 3


不過今日我哋一早出發會去志津香釜飯排隊, 等佢開門食一個EARLY LUNCH, 所以淨係食少少嘢就OK 了~

志津香釜飯食的是釜飯, 「釜飯」是利用生米加上高湯,再加入海鮮、肉類、蔬菜等季節食材,再以一人份大小的飯鍋蒸煮而成~ 而最出名「釜飯」應該都是志津香, 因為它在奈良已經有50年歷史

志津香大約十一時開門, 所以大家最好十點半前到達, (再早D 就更易保證一定可以入到) 咁樣先可以係佢開門時第一批食客入去食~ 如果唔係, 就要等第一批食完先入到去食, 可能要等一個多小時以上了~

去到十點半左右, 已有不少有在排隊, 好彩最後開門時都有位入去食~

志津香有教授釜飯特殊的用餐方法~ 

"首先食用剛上桌的白米飯,此時的米飯非常香潤,香氣十足。

在食用第一口後,記得要把木蓋蓋回飯鍋上,讓飯繼續在鍋中悶成鍋巴,此時,將蓋子掀開,便可以享用美味的鍋巴飯"

我們點了三種不同的口味, 我覺得食材很新鮮, 用這種方法煮食有種鄉土的味道~

 

食飽飽後, 就正式開始我們的奈良之行了~

我們的行程大約是

興福寺->奈良公園- 東大寺-二月堂, 三月堂- 春日大社-五重塔再由商店街走回奈良近鐵

東大寺也稱為「金光明四天王護國之寺」應該是奈良最出名的景點,是由信奉佛教的日本聖武天皇在728年大筆投資興建,距今約有1,200餘年的歷史, 亦為現存最大的木造建築物~ 在正殿供奉的是盧舍那佛,意思是為智慧及慈悲光明遍照,佛像高有15公尺,為全日本最高的一座室內銅大佛~在建造時其深受中國洛陽龍門石窟奉先寺洞的石雕盧捨那佛及中國敦煌的巨大佛像的影響。

不過其實奈良最吸引我都係可愛的斑比~ ^^

 

愛心爆棚的媽咪亦覺得好好玩, 佢係咁餵鹿仔, 仲要收埋一D 留返俾冇咩人理的鹿仔, 佢話佢哋好慘WOR~

之後沿路行去春日大社, 相比起東大寺的宏偉, 紅色的春日大社有些中國寺院的感覺, 春日大社除了風景漂亮,最知名的還有很多很多的石燈籠。春日大社外是石燈籠, 而在裏面則是有很多銅製燈籠~ 拍照非常漂亮, 我覺得係值得遊覽的地方~

最後順著參拜的道路返去近鐵奈良站, 途經商店經同中谷堂, 見到好多人在圍觀, 上次一看, 原來係搗麻糬的表演時間

現搗麻糬即製的よもぎ餅熱呼呼的, 加了艾草, 一棵棵綠色的, 口感MOCHI MOCHI 咁, 好好味~

本黎下午再想去多一個景點, 之後留耐D睇夜楓, 本黎打算去北野天滿宮或者石清水八幡宮

但點知見到落雨, 唉! 咁樣我估睇楓葉都唔會靚 而且又影唔到相, 最後不如直接去宇治的中村藤吉總店朝聖算了~

據說中村藤吉總店這座建築保留了200多年前創業時的原貌, 在2009年時更被選為宇治的重要文化景觀, 唔怪得之有一種古樸的味道在內~~

一入店已見好多人係度排隊, 我一馬當先去咗前面登記名字及人數, 但可能係星期日下午的關係, 見到前面已有好多人登記了, 真係唔知要等到何年何月

不過又落雨, 都冇咩地方可去, 而1我又的確好鍾意食中村藤吉, 只好乖乖的耐心等耐~

好彩搵到個位俾媽咪坐, 我就自己走咗去佢買禮物的地方慢慢逛,

可以購買茶葉及甜點等等, 有些東西是香港未有的, 如果是FANS 真係會幾開心~

等到天黑了, 禮品部也要關門了, 還是未到我們, 本黎我見她們是五點最後點餐的, 不過原來係五點前寫咗入登記紙佢都會做埋你生意, 所以唔駛擔心~ 最後6點幾先到我們入座, 計吓都等咗差唔多兩小時~ 如果你有地方要遊覽, 旅行期間等差不多兩小時又真係有D 浪費時間, 大家可以考慮吓值唔值得黎~

一入座會有玄米茶, 其實同香港的味道差不多, 我最鐘意飲玄米茶~ ^^

我們點了兩個甜點一個抹茶面食套餐, (我估老豆等咗兩小時都肚餓的了!) 雖然等咗咁耐, 但因為雙親都未食過中村藤吉, 佢哋都話好味, 都覺得值得等~  我自己就覺得原來香港的味道已同佢好接近, 如果唔係因為落雨, 要等兩小時又好似真係浪費咗少少時間, 但味道同環境都係優良的~ (個STAFF 姐姐仲話我日文講得好添~ :P)

 

食完甜品大約七點左右, 諗返吓其實我哋係未食飯, 我估老豆應該唔會夠飽, 就決定返難波同搵間壽司店食埋嗰五成飽~

開頭想去食魚心壽司的, 但諗諗吓之前行道頓堀見到有大起水產, 聽聞係CP值幾高的迴轉壽司店, 我哋又飽飽哋, 食迴轉壽司最合適

大起水產有兩層, 座位非常多,去到都唔駛點等位~

壽司質數方面, 覺得CP 值真係幾高, 價錢唔貴, 但材料都新鮮美味, 就算貴價材料都唔會太貴

MENU 清楚說明100YEN 至500YEN 的款式, 圖文並茂, 唔怕你唔識日文呀~

食完後, 又再行吓道頓堀同心齋橋, 本黎想去PABLO睇吓仲有冇半熟芝士蛋糕賣的, 點知已賣哂, 只好遲D再去買LA~ 

聽日USJ, 要早D返去休息留足精加去玩哂飽!