Osaka 2016 Day 2

Print

今昔館係親戚推薦的景點, 因為上次去大阪冇去, 而且見人大力介紹, 話幾值得去, 當然要行吓LA~ 不過記得一定要早D 去, 因為早去排隊先有機會著到和服. 我哋未開門就去排隊, 不過前面已有幾多人, 好彩最後都拎到票, 可以10點30前著到和服 (唔係要等到下午, 就會浪費哂時間, 所以真係要一早黎)

 

(揀衫的地方)

 

今昔館就係展示大阪古時的展覽館, 而且館內還會有人造的朝與夜, 我覺得幾得意, 可以慢慢下, 影下相

 

之後去咗附近的WANAKA(大入)食章魚燒, 雖然鋪仔細細, 但好美味~當然只食章魚燒係唔夠飽嘅, 再去食魚伊鰻魚飯~

 

因為我本身都幾鍾意食鰻魚, 我媽咪都鍾意, 所以今次出TRIP前就有先查好邊間鰻魚飯好食, 並安排在其中一天跑來用餐~ 見到大阪這間魚伊鰻魚飯網路上有許多好評, 而且又是百年老店, 見佢有一間係天神橋,  所以就決定要黎試吓~

依照鰻魚的大小有不同的價格,鰻魚肉大小分成2/5尾鰻魚、2/3鰻魚(上)、1尾(特上)三種等級, 另外分開定食及鰻重(便當盒)兩種選擇~ 我覺得鰻魚有炭燒味, 而且鰻魚肉細緻鮮美, 香氣濃郁, 珍珠飯與醬油的配合都好正, 好好味!

食飽飽後, 就去OUTLET 行吓~

其實我覺得哩個安排唔太順路, Rinku Premium Outlets 其實近關西空港, 大家可以臨走時先去行吓,  不過最後嗰日我想去黑門市場, 又怕冇咩時間行OUTLET, 所以就冇安排到, 其實哩個安排係唔太好~

係OUTLET 度買咗平時都會買的東西, 都係衫呀, 朱古力等等, 都冇咩太特別, 但因為行得耐咗, 冇諗過出返去玩MARIO CART 的地方比想像中遠, 所以差D 遲到~

最後第一次帶父母搭的士~ 哈哈, 其實只係因為太趕了, 一出車站已經7:00, 冇時間再搵路行去嗰個地點, 只好即係坐的士, 其實車程都只係幾分鐘, 所以最後都趕得切~ YEAH!

MARIO CAR 其實大阪同東京都有得玩, 就係坐著高卡車在公路上行走, 因為要在公路上駕駛, 所以一定要用車牌. 因為我覺得晚上玩可以轉到夜景, 而且好似感覺更加特別, 最重要係可以唔駛浪費早上的時間~

 

去到後可以揀公仔衫, 有好多套俾你選擇. 因為我哋去到已快開始, 所以是旦揀咗MARIO 的衣服就速速著好出去聽BRIEFING. 其實日本夜晚冇咩車, 我哋揀的路線係梅田, 新大阪車站一帶的位置繞一圍, 大約兩小時 (其實只係一個多小時, 中間還有一段時間小休影相) 我們一行大約十多人, 前面會有STAFF 揸高卡車帶路, 後面亦有一個STAFF 用過逢車包尾, 以保大家安全. 另外, 他們要求大家要一隊人一直線一齊駕駛, 咁樣會比較安全 (當然如果遇到紅綠燈位就冇辦法LA) 唔知係咪因為全隊人得我一個女仔參加, 佢要求我做第一個跟佢車的人, 可能諗住唔俾後面班後生年咁易超速爬頭掛, 哈哈!

全程其實幾好玩, 好爽吓, 我就玩得好開心, 雖然媽咪要係鋪頭等悶D, 不過佢話當休息吓冇咩所謂~ 老豆明明係香港揸開車, 但一去到揸高卡車就好似新手咁, 揸揸吓仲去咗後面, 俾人過哂頭~ >V< 我就全程跟領隊跟到尾, 玩得好開心, 亦好安全~ 非常值得推介, 未玩過的一定要去試吓!

玩完後, 只要係佢哋FB 留言, 仲會退返2000YEN 俾每位, 而且仲包一張即影即有相連同所有DC 的JPEG 相FILE, 真係又有得玩又有得拎呀~ 之後由鋪頭行返去車站大約十五分鐘, 而家見住個車站行就易D, 唔係應該會比較難, 好彩之前選擇搭的士, 唔係一定趕唔切

玩今次咁好玩的經歷.玩完當然要去醫肚, 由西九条去難波幾近, 就決定返道頓堀搵食, 因為一早已預定每樣嘢都要食過, 咁見夜夜哋, 不如就搵拉麵食LA, 去咗金龍附近的千日店前作ノ作拉麵, 鋪頭細細, 唔算多人 (可能因為已九點幾), 等咗一陣就可以入去, 入面大約有十幾個位, 而且如果LIKE 佢哋FB 仲有配料送~  我揀咗我最鍾意食的つけ麺, 仲要係ゆず味, 正呀~ 而媽咪老豆就揀咗拉麵, 兩個都話好味道~

 

食完後, 行咗一陣道頓堀, 見到金龍一樣好多人(不過聽講唔好食), 四圍望下, 不過因為都見十點幾, 都係快D返APARTMENT 休息了~