Osaka 2016 Day 1

 

我哋凌晨落夜機去關西機場, 去到5:50左右, 非常方便地可以即係出CITY

今次係第一次住日本的AIRBNB, 雖然出師有D 不利, 就係唔記得帶SIM CARD

但好彩錢係可以解決到問題, 就係可以係便利店即刻買過張新卡, >,< 雖然貴D, 但冇卡用唔太掂

我哋住係四之橋附近, 大約五分鐘就行到去

間APARTMENT 非常好, 第一保安好, 第二一層只有一個單位, 所以好寧靜

大約350呎左右, 入面好衞生簡潔, 又所有設備都有, 真係好有住家FEEL

我哋三個人住, 非常寬敞, 五日都住得好開心

放低行李後, 就開始行程, 去京都出發

我約咗11:00 去影花魁相, 諗唔到雖然係星期五, 但京都一樣好多旅客, 係京都站等巴士去清水寺的人超多

等咗30MIN 左右先可以上到車

雖然去到遲咗15MIN, 但都好順利咁展開第一次的盛裝撮影

 

我咁大嗰女都未試過化咁濃妝同埋著得咁華麗

間鋪叫夢工房STUDIO, 我揀咗紅葉PLAN, 10000YEN, 影八個POSE, 八張都會放入CD 俾返你

之後我加咗3000YEN 著得再靚D, 可以揀的衫就再多D, 雖然貴咗, 但我都覺得值得.

款式都有唔少, 以我有選擇困難症吓都幾難揀, 最後得到店員的幫助,㨂咗哩件衫, 就加錢加咗件外披

化好哂妝同著好衫都大約要個多小時, 之後就落樓下影相

個影相哥哥會教你點擺POSE 點影GA LA, 對我哋哩D毫毛經驗的新手係最好不過

 

而你同行的人亦可以落黎睇你點影相, 咁佢哋就冇咁悶了~

在我著好衫的期間, 老豆已經好快咁著好佢的男士和服, 而媽咪亦著好她一陣要出去行的和服

我自己影好靚靚花魁相後, 亦去揀另一套便裝一點的和服用黎今日去行京都的街道

媽咪揀咗件粉色系的, 我就揀咗件黑白色, 可以特別D 嘛

著好哂後, 工作人員又叫咗我哋三個落去下面STUDIO, 因為會送一張相俾我哋, 咁我哋三個就可以一家人一齊影相了~

之後就可以自由活動, 因為著住和服唔太方便, 我都係打算去食LUNCH, 之後行吓清水寺同兩三年坂, 就還衫再去睇夜楓

雖然係12月未算深冬, 我哋亦打咗底著咗HEATTEC 係身, 但其實都幾涷吓, 所以真係唔好行咁耐, 唔係好易冷襯

LUNCH (其實都成兩點) 我哋去食咗順正, 係一間出名的豆腐店, 店鋪是一間很日式的建築物.

 

 

因為我哋去到已差不多過咗LUNCH 時間, 等咗一陣就可以入座, 聽講平時星期六日午餐時間要等位幾耐吓~

我哋三個人叫咗兩個餐, 一個係ゆどうふ鍋, 其實即係湯豆腐, 口感紮實,很有飽足感,食用時加點醬汁以及蔥花提味,醬汁還有柴魚的清香~ 另一個就係ゆば, 即係豆皮鍋. 兩個餐除咗鍋物外, 仲有好多一小碟小一碟的懷石料理FEEL 咁, 其實如果一人叫一個餐實在非常飽, 女仔可能未必食得哂~

而要介紹一下的豆皮鍋食法幾得意, 睇落似一鍋豆漿~ 食法為食完一片豆皮之後, 大約等1至2分鐘, 等豆漿表面浮上一層薄膜之後, 才有下一片豆皮可以吃~之後配上調味味食用~  哩鍋豆腐皮可以食好耐, 不過我覺得幾得意, 而且豆味好香, 好值得一試!

之後, 著住和服見到仲有陽光, 就係清水寺影咗一陣相~清水寺因為要為咗2020的OLYPMIC, 所以決定要黎過大維修, 之後就會圍封, 咁影相就會冇咁靚, 當然要而家影返夠LA, 唔係就要等到2020 了!

其實上一次黎清水寺已經係幾年前, 當時係櫻花季節, 在清水寺中觀看朝早的日櫻與夜櫻 都一樣美麗, 仲記得因為當時以為係春天, 冇著好多衫, 夜晚睇完夜櫻後勁涷, , 所以見到有熱呼呼的豆腐鍋就即係走去食, 雖然當時個鍋好簡單, 只有豆腐, 旦同鳥冬, 但如雪中送炭一樣, 特別好食~ (所以今次就要去試吓正宗的豆沙鍋了)

冬天比較快天黑, 見太陽開落衫, 就去還衫, 再實行夜晚的夜楓節目.

還完衫後, 決定先去6點開的青蓮院以及高台寺, 大約8點左右才回清水寺, 希望可以冇咁多人, 其實個策略都OK 的

青蓮院以及高台寺都唔駛點排隊就入到去, 兩個各有特色, 一個係日式庭院FEEL, 打燈後的夜楓別有一翻味道, 而另一個就就有一個好有特色的的LED 燈的光之庭園, 這個庭園比它的楓葉更出名~

最後走返上二年坂三年坂上去清水寺, 終於有時間去買我最喜歡食的八橋餅, 試過咁多種味, 其實我都係最鐘意食抹茶味~

而清水寺的夜楓特色在於可以睇到全個清水寺打燈後的夜景, 雖然已經有一部份圍封了, 但一樣宏偉美麗

 

本黎諗住返去搵出名的餐廳食, 但走時已九點幾, 在之前只係食咗個牛肉饅充下饑, 最後出返車站, 是旦搵咗間車站附近的連續式的居酒屋就入去食, 叫山內農場, 炭燒的走地雞及其他料理也很好食, 可能因為太HUNGRY 掛~ >V<

行咗成日, 返到去APARTMENT, 當然即訓LA~~