sendai greenleaf festival Day 1

Print

由東京搭新幹線上仙台只係兩個鐘到, 真係非常方便, 好似轉眼就去咗仙台LA~

 

可能因為有祭典的關係, 仙台19日的旅店好難BOOK, 係差不多3個星期前BOOK 都已經冇哂D 平的旅店, 最後只好去外國的網站訂仙台的HOTEL~ 雖然價錢唔算好平, 但位置又好, 最諗唔到係竟然旅店有一個幾靚的溫泉, 正!

雖然青葉祭是19及20兩日, 不過為咗善用時間的關係, 所以第一日就決定先去松島玩半日, LUNCH 後再返仙台參加青葉祭

松島是散佈在宮城縣中部、松島灣沿岸以及松島灣上的260個大小島嶼組成的島嶼群的總稱~~ 由仙台搭仙石線去松島大約只要30分鐘

松 島的景色之優美堪稱日本三景之一, 所以每年都有好多遊客前來~由一出車站見到比仙台更好的中英文遊TOURIST INFO. CENTER 已經可以知道哩個地方幾重視旅遊業~因為311 大地震, 松島都係一個受災的地方,亦遭受了海嘯襲擊, 雖然已經事隔一年, 好多地方都重建好, 但都仲有維修中的地方, 好似福浦橋就係其中一樣~

松島除咗因風景優美而出名之外, 著名的俳聖(俳句)的芭蕉先生亦是松島的名人, 他因為被松島的美景而寫下的俳句亦流傳至今 "松島やああ松島や松島や" (哈哈! 不過我真係唔多GET 到哩句有幾出色~~好似好求其寫出黎咁WOR~)

黎到松島第一件事就係去搭船遊覽海上美景, 因為係網上預訂咗的關係, 所以有九折同埋送咗一包蝦條俾我哋 (哈哈! 好彩一早做咗功課, 唔係差d 自己食埋當零食!)

 

50分鐘的船程入面, 雖然風和日麗, 陽光普照, 但我哋差唔多咩松島的美景都冇咩點睇, 因為全程船都係度

餵海鷗~~

哈哈~ 勁好玩, 未試過咁近餵海鷗~ 勁開心呀~ (玩到好似小朋友咁)

其實點解海鷗會鐘意食蝦條呢? ^^

 

松島的百年老店有五大堂, 觀瀾亭, 及瑞嚴寺三個四百年以上的地方

仙台一帶, 在日本戰國時期都是獨眼龍伊達政宗的封地, 所以這三個古蹟都跟這位人兄有d關係~~

 

五大堂是東北最早的桃山式建築, 裏面供奉的是五大明王, 係1604 年由伊達政宗重建~~

睇到下面海的木橋

平時不對外開放, 每33年才開放一次!  但好可惜上次開放時是 2006 年!, 所以想要進去參觀的話, 恐怕都要到5 60歲先可以la~

五大堂面積好細, 不過風景唔錯~

 

維修中的福浦橋

參觀完五大堂後完後就去松島魚市場食午餐~~

食咗一個好好食的海鮮丼~ d海鮮幾新鮮, 近海真係好唔同d~~

忍唔到手買咗個好得意的GOMA~ ^^


松島另一個出名的景點就係面向松島灣屹立的瑞嚴寺

係一所據記載創建於828年的禪宗寺院, 於1604年由當時統治此地的伊達正宗花了5年的歲月建造而成,現在保留著的方丈已被指定爲國寶~~

好有型的盔甲

之前死咗老公就要出家, 真慘~~

寺內擁有華麗的裝飾及精細的雕刻, 可惜因為大維修的關係, 好多嘢都要等到平成26年先再見到la~

不過沿路的松林加上瑞嚴寺的設計, 都算係值得一遊的景點`

 

大約三點左右, 便結束松島的觀光開始返仙台參觀夜晚的青葉祭啦~

每年五月第三個星期日及之前的一天於一番町等地都會舉行一年一度的仙台.青葉祭!

祭典起源於江戶時代,是仙台藩可追溯的大型傳統祭祀節日「仙台祭」演變而成的。 在星期六的「傍晚節」,在仙台城築城的祝的座位,石匠們跳着被認為是開端的鄉土技藝「麻雀舞」,更會進行比賽~~

返咗酒店休息咗一陣後, 就出發今日下半場的活動LA~

其實今晚的夜宵遊行7點先正式開始, 當然之前仲有好多活動LA~ 但我最想參加的5點最後一段可以俾普通人參加的麻雀舞表演~

 

只要係指定時間內報名, 就會派兩把紙扇俾你, 之後就可以跟著大家係條街度一邊參加巡'遊一邊跳舞~

哈哈! 雖然唔知做點跳, 但玩得好開心~ 勁爽!! (當然如果佢有少少教導俾我哋哩D非仙台人會更好LA, D小朋友跳得好好GA~~ >,< )

之後去咗勾當台公園(好鐘意哩個名, 好搞笑) 行咗一陣平時祭典的小食店同時代村後

(好得意, 有紙相撲玩, 亦有一些特色的小色食~)

最後就出返今日跳麻雀舞的大街睇夜晚的活動~

著咗燈的山鉾巡行我一直都覺得比早上靚~ 著住唔同顏色衣服的不同團體開始夜晚的巡遊活動~

又跳又叫之上真係好熱鬧~ ^^

 

我幾鐘意日本搞祭典的感覺, 好似全個市的人也有參與其中的感覺, 樂也容容, 大家好似親近咗的感覺~~

睇完後, 當然要醫醫肚, 黎得仙台, 都係想食牛舌

去咗好出名的伊達之牛舌食~

我哋ORDER 咗厚身同特厚, 不過發現厚身已經好食, 特厚反而有D難咬~

牛舌SET 每一間都會附上一碗牛舌湯,還有一碗麥飯同漬物

牛舌只以鹽簡單調味,但係非常有口感

好好味呀~~~

聽日都要食牛舌, 不過食試另一間~~~~

返到酒店, 浸一浸意料之外的溫泉, 真係人生一大享受呀~~~