旭川的雪祭也分兩個會場, 一個係放滿冰雕的平和公園(同大通公園的長度應該差唔多, 不過比較窄, 像一條小街, 放的是像薄野放的冰雕) 另一個會場便是常盤公園, 還有一個在動物園旁邊的雪之村

一 早起身就由平和公園(冰雕會場)慢慢行去常盤公園(雪雕會場)~ 旭川真係好凍好凍, 唔怪得三浦玲子都講過話自己是生長在一個嚴寒的地方上~ 我相信冬天的旭川是我咁大個女暫時去過最冷的地方, 我真係好佩服d人可以住係度 (我只係黎旅遊已經覺得差唔多頂唔住la) 雖然著咗UGG的雪鞋, 但一樣雙腳冰冷, 勁凍!

今天的M記早餐好似特別好食~

又落雪LA~~~ >,<

常盤公園門外有小食賣, 場內的雪雕同札幌的好相似, 不過可能因為雪量更豐富的關係, 雪雕比札幌更大, 還有一個雪造的大型看台, 應該是今晚表演之用~看看時間, 還有幾個鐘先到晚上的閉幕, 沒理由係天寒地凍的環境下等幾個鐘, 便轉移去下一個場地, 雪之村!

因為是雪祭的關係, 有免費SHUTTLE BUS 前往, 其實可以去動物園的, 不過我已經去過一次, 另外兩個朋友亦冇咩興趣, 就決定去雪之村玩~

雪 之村面積不大, 可以買張3次卷玩入面的活動~ 我哋玩咗雪上香蕉船同埋雪上單車~  第一次玩雪上單車, 仲要係可以自己自由控制, 正呀! 好刺激! ^^之後租咗SNOWBOARD 玩咗一陣, 因為場地太細, 上山時係用拉繩的方法上去, 真係好辛苦好攰, 落咗黎真係唔想再上去~

黃昏就返去會場等閉幕, 襯有時間出去行一圈加玩大型滑梯, 其他兩個朋友就係暖房入面食嘢等時間過~

嘩! 真係好好好凍, D 雪係咁吹埋黎, 差唔多眼都開唔到, 我懷疑平時出街都應該要等GOGGLE 先得, 唔係點行到路!

點解可以咁大雪?!!!

等滑梯時, 差唔多有放棄的感覺, 手指涷到勁痛, 就快懷疑係咪會掉落黎!! >,<

其實人唔多, 不過因為太大風雪, 佢怕危險, 要等風停一停先俾人滑落黎~~

玩完後, 都差唔多時間閉幕典禮, 表演一直都有, 不過實在太涷, 都冇咩心機睇, 唯一期待的只係花火表演

好彩皇天不負有心人, 最後花火真係好近好靚, 第一次係冰天雪地上睇花火, 感覺好特別, 亦好滿足! ^^

晚上回酒店時經過成吉思汗, 就入去食燒肉, 雖然平時我麻麻羊肉, 但係咁凍的天氣下, 燒肉真係十個美味!

寒氣全消~~~

為今次的雪祭之行劃上完美句號~~

• Prev
• Next