chimelong-day1

香港->祈福新村->四海一家(失敗咗)->餘蔭山房->祈福新村 藥膳坊 (11/9)

尋晚拾行李搞到勁夜, 今朝起身都覺得頭痛痛咁~~
其實只係搭9點15分車啫, 媽咪唔駛8點都未夠就叫醒人掛?
>,<
不過早d起身都好, 唔駛咁趕~ (我哩d人本來唔到最後一秒都唔起身ga ma!)

順順利利咁搭車經由深圳灣去到祈福新村, 大約3個鐘左右~
深圳灣真係非常方便, 一地兩檢, 第時去大陸我都要揀由深圳灣入先得~ ^^

祈福新村比我想像中大, 不過就冇碧桂園嗰邊咁靚, 出面d交通好似亂咗少少~
如果可以有返d規劃, 我覺得條村會做得更加好~(哎呀~ 工作病?)

我哋租咗祈福的一間4房渡假屋黎住, 大約2千幾呎, 3層高, 大約有3星級酒店的樣式la~ 當然住酒店會舒適d, 不過一家8個人住係同一間屋又真係方便d~ 夜晚打麻雀或者朝早叫人起身都易d ma~ 嘻嘻!

揀好房後(我同mimi揀咗樓上有閣仔嗰間, mimi仲話好有外國住house的感覺~),我哋就出發去四海一家~我哋搭出面的10A到達漢溪長隆地鐵站, 聽人講話去四海一家係地鐵站附近有免費車搭, 仲以為好易搵添>V< 點知搵咗好耐都搵唔到, 最後老豆用佢一口"勁流利"的"煲東瓜" 去問人, 好在有一個好心的姐姐教我哋搭車~

不過去到後, 先知其實我哋應該去E出口搵免費車, 而唔係D出口的巴士站~ 好心姐姐教我哋搭ga免費車都去到(部車係去四海一家隔離的傢俱OUTLET), 不過就行遠咗少少lor~

一心諗住可以去四海一家食返個超級buffet la~ 點知原來佢lunch 只做到2:30!! (同hk真係好唔同, hk真係任何時間都有嘢食ga) 我哋去到已經差唔多2:15, 最後只可以影返張相, 再拎張shuttlebus timetable, 睇吓聽日有冇時間黎到食la~~

 四海一家門口...>,< 唯有扮入去食lor~
  

大家雖然好失望, 但都要醫返個肚先~ 諗住是旦去附近的酒樓食la~ 點知惡夢就開始la~ 諗唔到原來大部份餐廳或者酒樓都收2:30, 行咗好耐, 諗唔到都搵唔到嘢食~
最後我哋仲橫過咗一條好似彌敦道咁多車的馬路, 去咗一間湘菜館子食~(我哋就驚驚青青咁過, 隔離個女人就抱住個仔好似落街行街咁...... 就係睇到我哋o哂嘴~~) >o< 

danger  
 記得唔好學佢ar~ 

間嘢本黎已經打烊, 不過見我哋入黎先開返燈同冷氣~ 湘菜wor, 我叫佢唔好加辣, 諗唔到煮出黎都幾好食wor~ 而且仲勁平, 5個人, 4餸一湯, 白飯任裝, 先係$88 咋wor~~~ 

 TOMATO SOUP fish
 蕃茄蛋湯 美味蒸鯇魚(可惜我唔食鯇魚ga)

chicken  菜
 唔辣的炒雞丁 清炒菜

 

 EGG restaurant
 豬肉蒸水蛋就係哩間鋪la~ yummy yummy 

飯飽食醉後, 就去餘蔭山房出發! 我哋搭公車由塘東(原來唔經唔覺已經行到去塘東)到南村~ 我睇網上d遊記話搵到南村鎮就可以跟進d路牌搵到餘蔭山房, 以為好易la~ 點知去到南村後我一個路牌都見唔到~ 不過俗語有云"路在口邊", 即係四圍都係路牌la~ 最後都好成功咁搵到目的地!(記得唔好係總站落車, 係南村-牌坊位落車就一直行到尾就到ga la)

 southern villagesignage 
 好明顯係返咗大陸la~不過個路牌究道係邊呢? 終於係餘蔭山房附近搵到佢個路牌, 不過去到附近先見, 究竟有咩用呢??? >v<

餘蔭山房係廣東四大名苑之一, 假石小橋流水, 又保養得幾好wor~ 而且仲有滑一滑雙皮奶食, yummy yummy~ 我覺得係值得一遊ga! 大約行咗個多小時左右, 就行返出去搭車返祈福接我哋餘下的成員~ (途中我哋仲買咗一個好甜的大西瓜, 只係$17咋, 之後8個人食咗2日都食唔哂, 勁抵!)

 1 2
 4 3

 milk5 
 學堂? 學堂2

夜晚係村口接完人後, 就去食見到網上勁多人推介的藥膳坊! 嗰度d餸幾特別, 唔係平時酒店食的一般菜色, 而且味道唔錯, 仲幾抵食添~ 佢個芝麻糕好好食, 湯水都好清冇咩味精~ 不過佢9:30關門, 記得要早d去, 唔係你以為去食個宵夜咁就摸門釘la~

dinner seama 
 係咪好豐富呢? 好香的芝麻糕
 beef pigeon
 鮮果牛仔粒(夏天食最岩) 美味的乳鴿
 rib chicken2
 我食得一件就咩人食哂的牛仔骨 大陸d雞真係好食d~~~

夜晚打咗一陣牌, 12點幾就去訓la~
養足精神, 聽日去水上樂園出發~~~~

 藥膳坊 .
 9:30就熄哂燈la~ 叫到糊未呀???
 housewin 
 廳中一角 自摸wor~~~ hohoho